قصة ساجر الرفدي وخليف

قصة ساجر الرفدي وخليف  

المقدمة 

نتناول في هذا المقال  جزء بسيط من  قصة  الشيخ الفارس ساجر الرفدي والذي اشتهر  بشجاعته  وكرمه  وشدة بأسه  وعزيمته  و خلد اسمه بين شجعان قبيلته وكذلك يعد من شجعان العرب   

اسمه ونسبه

  هو الشيخ ساجر بن ر بن رجاء بن عرمان بن رايض بن بشير بن سلامه بن حامد بن طريف بن سلامه بن عمارة بن سهيل بن بشر الوايلي الشملاني العنزي وهو شيخ قبيلة سلقا من العمارات من عنزة لقبه راعي البويضا ¹⁾ساجر الرفدي – بتصرف

نشأته

نشأ ساجر الرفدي بين افراد قبيلته و اشتهر هو واخوه عسكر وعمرهما لم يتجاوز العشرين فكانا مضرب المثل بين القبائل وكان نشاتهما في منطقة الشملي في أعالي جبال طيء وانتقل الى منطقة القصيم اثر خلاف بينه وبين خواله البجايدة

  ²⁾https://www.3nzh.com/vb/showthread.php?t=35141

شهرته

أشتهر الشيخ ساجر الرفدي بالكرم والفروسية واكرام الضيف ،، وكان مولعاً بالصيد فكان يذهب في كل موسم للصيد   برفقة طيره حطاب وسلوقيه خطاف  وكان الطير له مكانه كبيره جداً عند ساجر الرفدي            

قصايده

البارحة بالليل لا تريد حالي ………….. مضيت ليلي حزينٍ ومحتار من صرت أنا ما شفتها ولا جرالي …..أربع مصايب لوعني من الجار الأوله حطاب معادل عيالي …………. أشقر عديم ولبرق الريش نثار والثانية خطاف ماله مثالي…………….شره على تيس الجميلة ليا غار والثالثة عملت بأصغر دلالي …………قصرتها وفاحت على البن وبهار والرابعة بالعظم تتنا الشمالي ……….وأفلست منهن حين حزات الإفطار أليت جتني قوم وخذت حلالي ………..أصبر على عسر الليالي بالإعسار ومن صرت أنا مهزابتن للرجالي ……وكم واحدن هدمت بيته على الدار العمر يفنى وآخره للزوالي ………….والحظ يرقى ونوب ينزل بالاحدار ولا شفت مثل خليف قليل والي ……… من خلقت البدوان ما مثله صار

وسبب ذكر هذه القصيده هي قصته مع خليف

قصة ساجر الرفدي وخليف

في يوم من الايام قرر الشيخ ساجر  الذهاب للمقناص وطلب من خليف مرافقته  كان  مع الشيخ ساجرصقر اسمه حطاب وسلوقي اسمه خطاف واثناء القنص ظهرت لهم   ارنب نزلو السلوقي عليها وأخذ يلحق خلفها  وخليف من عادته العجله بالتصرف حاول خليف أن يرمي الأرنب لكنه أخطاء وضرب السلوقي مما أدى الى موته  وقال الشيخ ساجر بلهجته :   وش سويت فينا ياخليف  قال صار الي صار وأستمروا في طريقهم وظهرت لهم ارنب ثانيه وهدو الطيرعليها وبدت الارنب قريبه على الطير أخذ خليف البندق يبي يرميها لكنه رمى  الطير بدل من الأرنب   قال الشيخ ياخليف وش سويت بنا ذبحت السلوقي وبعد ذبحت الطير   قال خليف مافيه نصيب ياطويل العمر خلنا نرجع لأهلنا بس رجعو لبيوتهم ووقتهم في رمضان جاء الشيخ يصلح قهوه الا مافيه غير طبخه وحده من القهوه والهيل صلح القهوه واركاها على جنب النار وكان الشيخ يشرب سبيل التتن الي يحطونه بالعظم سوى له سبيل وحطه ينتظر وقت الغروب حتى يشربه خليف راح لوآلدته وحكى لها القصه اللي صارت عليهم قالت مالك حق تخلي الشيخ بهذي المحنه  رح وانا امك وحب على خشمه ورأسه وأعتذر مما حدث  جاء خليف يبي يحب رأس الشيخ وداس على العظم اللي هو سبيل التتن وكسره قال الشيخ ياخليف ارجع وراك وش سويت بنا لاحول ولا قوة الا بالله ارجع وراك رجع خليف على وراه الا الدله كزها برجله وانتثرت وزاد الطين بله وتكدر الشيخ قال ياخليف مادام هذي امورك بالي صار خذ اللي تبيه من خير واللي تحتاجه انت وامك وانا الله يعيني على اللي حصل ³⁾ قصة خليف والشيخ ساجر -29-3-2021

من قصايده ايضا

يا راكب من عندنا فوق مذعـــــــــور مخمّر ما طق عقب العسافـــــــــي ما فوقه الا الخرج والزل منشـــــــور ودويرع من فوق الامتان ضافـــــــــي ملفاك ابو بندر على فجة النـــــــــور سلم على اللي كل مافيه وافـــــي مزنٍ تزبر عم عرعر وأبا القــــــــــــور سيله عليكم منحي بانهدافـــــــــي أول خياله صار فوق ابن مشهــــــور جاهم على وضح النقا مع كشافي ياما اقبلن باخوات ربدا تقل ســـــور وياما انتحن باخوات ربدا مقافــــي كسيرة فيها احمر الدم منثـــــــــور وقفوا عليهم لابسين الغدافــــــــي وسطام خليناه يركب على الكـــور وعقب العنا والكود شاف العوافـي والمركب اللي فوقه الدل منثـــــور جانا بضرب مصقلات الرهافـــــــي وهلت على روس السناعيس شختور وابن زويمل شاله السيل طافــــي فاجاه متن فوق الرمك كل مصطور خيال ذروة يوم هي بالعوافــــــــي ذروات اخذناهن ويبرى لهن خــــور ويفداك مالك ياربيع الضعافـــــــــي غرنا على ذروات مع فجة النــــــور وتخززوهن ناقلين الشلافـــــــــــي والفاطر اللي عندكم فات لـــه دور حنت ولا تالي حنينه عوافــــــــي هذي عوايد مدبة كل صابــــــــــور قولٍ على فعلٍ وكادٍ يشافــــــــي  

من اشعاره 

عيني قزت عن نومها واسهرتنــــــي ماهي مريضة مار بالقلب ولـــــوال واحسرتي من عشقتي عايفتنــــــــي وشامت ونسيت ما مضى لي بالافعال تعطرت يوم انها باغيتنــــــــــي واليوم ماحطت علوم على البـــــال وقرونها جرد السبايا تلتنـــــــي وعطورها دم النشاما ليا ســــــال عاهدتها بالله وهي عاهدتنـــــــي واليوم اشوف افعولها اقفاي واقبال دنياي بحمول العنا ضاهدتنـــــــي والكبر يرث بالرجل كل غربــــــال من مدها بالجود ياما عطتنـــــــي وياما ركبنا فوق عجـــــلات الازوال وياما على طيب الفعايل هدتنـــــي وخليت عيرات النضا تهذل اهــــذال نمشي على ما كاد لو ساعفتنــــــي وان عاضبت نذكر بها زين الامثـــال وكم سربةٍ نجرها تابعتنــــــــــي وخليت غارتها على القوم تنهــــال والله لخوض بحورها لو عصتنــــــي ما دام جسمي باقي ما بعـــــد زال مالي حسايف كانها خالفتنــــــــي للي يخلط الخير والشر عمـــــــال

وفاته

توفي عام 1289هـ وكانت وفاته طبيعيه لتقدمه بالسن     ⁴⁾ساجر الرفدي